Wark O' The Weavers
We're a' met thegither here tae sit an' tae crack,
Wi' oor glasses in oor hands, an' oor wark upon oor back;
For there's no' a trade among them a' can either mend or mak',
Gin it wasna for the wark o' the weavers.
Chorus
If it wasna for the weavers what wad we do?
They wadna hae claith made oot o' oor woo',
They wadna hae a coat neither black nor blue,
Gin it wasna for the wark o' the weavers.
There's some folk independent o' ither tradesmen's wark
For women need nae barber an' dykers need nae clerk;
But there's no ane o' them but needs a coat an' a sark
No, they canna want the wark o' the weavers.
Chorus
Oor sodgers an' oor sailors, od we mak' tham a' bauld
For gin they hadna claes, faith they couldna fecht for cauld,
The high an' low, the rich an' puir - a' body young an' auld,
They a' need the wark o' the weavers.
Chorus
|
