The Road to Dundee
Cauld winter was howling o'er muir and o'er mountains,
And wild was the surge on the dark rolling sea,
As I met about daybreak a bonnie young lassie
Wha asked me the road and the miles to Dundee.
Says I "My young lassie, I canna' weel tell ye,
The road and the distance I canna' weel gie,
But if you'll permit me tae gang a wee bittie,
I'll show you the road and the miles to Dundee.
At once she consented, and gave me her arm,
Ne'er word I did speir wha the lassie might be;
She appeared like an angel in feature and form
As she walked by my side on the road to Dundee.
At length wi' the Howe o' Strathmartine behind us,
And the spires o' the toon in full view we could see;
She said, "Gentle sir, I can never forget ye
For showing me so far on the road to Dundee."
"This ring and this purse take to prove I am grateful,
And some simple token I trust ye'll gie me,
And in times to come I'll the laddie remember
That showed me the road and the miles to Dundee.
I took the gowd pin from scarf on my bosom,
And said, "Keep ye this in remembrance o' me,"
Then bravely I kissed the sweet lips o' the lassie
Ere I parted wi' her on the road to Dundee.
So here's to the lassie - I ne'er can forget her
And ilka young laddie that's listening tae me;
And never be sweir to convey a young lassie,
Though it's only to show her the road to Dundee.
|
