The Jolly Beggar
There was a jolly beggar, and a-beggin' he was boun',
And he took up his quarters into a landwart toun,
Chorus
And we'll gang nae mair a-rovin', a-rovin' in the night,
And we'll gang nae mair a-rovin', let the moon shine o'er sae
bright,
And we'll gang nae mair a-rovin'.
He wad neither lie into the barn, nor yet wad he in byre,
But in ahint the ha' door, or else beyont the fire.
Chorus
The beggar's bed was made at e'en, wi guid clean straw and hay,
Just ahint the ha' door, and there the beggar lay
Chorus
Up raise the guidman's dochter, and a' to bar the door,
And there she saw the beggar man was standin' on the floor.
Chorus
He took the lassie in his arms, and to the neuk he ran,
'O! hooly, hooly, wi' me sir, ye'll wauken our guidman.'
Chorus
He took his horn frae his side, and blew baith loud and shrill,
And four and twenty belted knights came skippin' o'er the hill.
Chorus
And he took out his little knife, loot a' his duddies fa',
And he stood the brawest gentleman that was amang them a'.
|
